📰 *धनगर समाजाच्या विविध मागण्यांसाठी शासनाकडे आग्रही निवेदन*
*नामकरण, देवस्थान चौकशी व स्वतंत्र कायद्याबाबत तातडीने निर्णय घेण्याची मागणी*
सांगोला प्रतिनिधी
समाजाची श्रद्धा, अस्मिता, ऐतिहासिक वारसा आणि जनभावनेशी संबंधित विविध मागण्यांवर शासनाने गांभीर्याने विचार करून तातडीने सकारात्मक कार्यवाही करावी, अशी आग्रही मागणी समस्त धनगर समाज, पुण्यश्लोक अहिल्यामाता व श्री बाळूमामा भक्त, महाराष्ट्र राज्य यांच्या वतीने करण्यात आली आहे.
मुंबई-बंगळूर राष्ट्रीय महामार्गावरील संबंधित कनेक्टिंग लिंकला “हुतात्मा वीर शिंग्रोबा धनगर” यांचे नाव तातडीने देण्यात यावे, अशी मागणी निवेदनाद्वारे करण्यात आली आहे. या नामकरणासंदर्भातील सर्व प्रशासकीय प्रक्रिया पूर्ण करून अधिकृत अधिसूचना तातडीने जारी करावी, असेही निवेदनात नमूद करण्यात आले आहे.
तसेच मुंबईतील चर्चगेट रेल्वे स्थानकाला “राजमाता पुण्यश्लोक अहिल्यादेवी होळकर” यांचे नाव देण्यात यावे, अशीही मागणी करण्यात आली आहे. या नामकरणासाठी आवश्यक ती प्रशासकीय व कायदेशीर प्रक्रिया तातडीने सुरू करण्याची मागणी करण्यात आली आहे.
श्री संत बाळूमामा देवस्थान ट्रस्टच्या कथित आर्थिक गैरव्यवहाराची स्वतंत्र, उच्चस्तरीय व निष्पक्ष चौकशी करण्यात यावी, अशी मागणीही निवेदनात करण्यात आली आहे. एसआयटीमार्फत सुरू असलेली चौकशी तातडीने पूर्ण करून चौकशीत दोषी आढळणाऱ्यांवर कठोर कायदेशीर कारवाई करण्यात यावी, असे म्हटले आहे.
देवस्थानच्या आर्थिक व्यवहारांचे स्पेशल ऑडिट अथवा फॉरेन्सिक ऑडिट करण्यात यावे, अशी मागणी करण्यात आली आहे. तसेच श्री करवीर निवासिनी अंबाबाई महालक्ष्मी देवस्थान स्वतंत्र कायदा २०१८ किंवा पंढरपूर व शिर्डी देवस्थानांच्या धर्तीवर स्वतंत्र, सक्षम व पारदर्शक देवस्थान कायदा करण्यात यावा, अशीही मागणी करण्यात आली आहे.
समाजाच्या श्रद्धा, अस्मिता आणि ऐतिहासिक वारशाशी निगडित असलेल्या या सर्व मागण्यांकडे शासनाने गांभीर्याने पाहून तातडीने सकारात्मक निर्णय घ्यावा, अशी आग्रही मागणी करण्यात आली आहे.
╔════════════════════════════════════╗
विशेष चौकट
धनगर समाजाच्या प्रमुख मागण्या
🔹 मुंबई-बंगळूर राष्ट्रीय महामार्गावरील कनेक्टिंग लिंकला
“हुतात्मा वीर शिंग्रोबा धनगर” यांचे नाव द्यावे.
🔹 नामकरणाची प्रशासकीय प्रक्रिया पूर्ण करून
अधिकृत अधिसूचना तातडीने जारी करावी.
🔹 मुंबईतील चर्च गेट रेल्वे स्थानकाला.
“राजमाता पुण्यश्लोक अहिल्यादेवी होळकर” यांचे नाव द्यावे.
🔹 श्री संत बाळूमामा देवस्थान ट्रस्टच्या कथित आर्थिक गैरव्यवहाराची
स्वतंत्र व उच्चस्तरीय चौकशी करावी.
🔹 एसआयटी चौकशी तातडीने पूर्ण करून दोषींवर
कठोर कायदेशीर कारवाई करावी.
🔹 देवस्थानच्या आर्थिक व्यवहारांचे
स्पेशल ऑडिट / फॉरेन्सिक ऑडिट करावे.
🔹 देवस्थानांसाठी स्वतंत्र, सक्षम व पारदर्शक
कायदा करण्यात यावा. ╚════════════════════════════════════╝
— समस्त धनगर समाज, पुण्यश्लोक अहिल्यामाता व श्री बाळूमामा भक्त, महाराष्ट्र राज्य.
إرسال تعليق